最新醫評

黃錫明醫生 Dr. Wong Sik Ming 男 。 普通科 。 旺角 。私人執業    7 0
sum_ma
共1篇醫評
求診日期: 2019-06-16
費用($): $680
費用附註:
藥膏及2支藥水
疾病/求診原因:
濕疹, 針型風疹
醫好就得喇...
評論日期 : 2019-06-19

個女(6歲)早排無拉拉雙手及雙腿出晒紅疹, 半日後已經好似濕疹咁一達達, 又痕又抓到損; 好彩面兩脥都有啲唔叫勁多, 個身都無。

由於事出突然, 一星期後又飛, 於是打去睇專科, 經朋友介紹有5間, 無一間預約到, 最快一星期最耐要12月先有得睇勁誇張。夜晚有朋友介紹黃醫生比我, 我打去好開心呀!! 因為佢星期日都開, 而且無預約, 即是我只要早去排就睇到....老實講有預約同無預約各有各好, 對急需人士其實係好過無。

我朋友話佢上次等了三小時, 於是我响三點應診前去, 好彩公公又好鍚孫女, 佢1:30左右去排頭位 (但最終都係排第二) 到三點, 醫生梗係未返...但我無唸過佢四點先返, 等了又等...4:15左右終於睇到。

過程, 個醫生都算OK, 少少幽默感, 但未必人人BUY因佢都有少少串?! 唔識形容, 但你感受到佢都有好多臨床經驗, 佢又唔算hea...都同你傾咗陣, 我唸我都有8-10分鐘先走。等拎藥都唔算好耐, 我開頭唸住都要過千, 點知埋單$680比我預期平一半呀! 或者我個女唔叫嚴重, 啲藥唔係勁嘢卦!

總結, 我星期六打了6個診所, 無一間姑娘係好語氣, 好多都串及無乜禮貌 (唔休做嗰種) 當然黃醫生呢間都係啦...大大聲又無尾音, 笑容唔好唸一定無。不過我都係想醫好個女, 睇得好就乜都唔重要喇!

劉新榮醫生 Dr. Lau Sun Wing Cary 男 。 骨科 。 旺角 。私人執業    11 1
Phoebe Ng
共1篇醫評
求診日期: 2019-06-18
費用($): $1680
費用附註:
診金, 一周藥, 打針, 護腕
疾病/求診原因:
手腕痛, 腰痛
細心, 詳細, 推介好醫生
評論日期 : 2019-06-18

第一次求診, 手腕及腰痛.
劉醫生細心聆聽和講解病情. 風趣幽默.
好細心咁講解MRI的情況, 又會話俾我知有咩要注意, 仲會比啲示例圖黎講解我既情況. 完全唔會好似一般醫生有啲「趕收工」既感覺.

價錢公道, 合理.
地點佳.

忻財敏醫生 Dr. YAN CHOI MAN 男 。 婦產科 。 尖沙咀 。私人執業    8 0
Kyu
共1篇醫評
求診日期: 2019-04-15
費用($): $1500
疾病/求診原因:
子宮肌瘤
切除子宮手術
評論日期 : 2019-06-18

因為摸到個肚硬硬地,所以去左睇忻醫生,自己未睇過佢,本身都想搵女醫生既,不過上網search過,又覺得好似幾好,所以就膽粗粗去睇,照完照聲波後,知道生左三大粒肌瘤,最大的有16cm,而且係三粒,感覺成肚都係瘤。醫生建議手術切除,至於是否連子宮切除,醫生其實都俾我自己決定。我本身都4字頭,所以無諗過要小朋友既,所以其實又唔係好介意要切埋子宮,不過未做手術的我,聽到都覺得好驚。而且都好驚切埋子宮唔知有咩後遺症,之前有朋友講話會老得好快,但忻醫生解析左俾我知,其實唔會既,因為卵巢無切除到,所以無影响到賀爾蒙,而且如果只切除肌瘤,其實有機會再生,分分鐘又要再割,咁我自己諗到做手術前兩日再見多次醫生,最後就決定左做剖腹切除子宮,點解唔微創?一嚟因為費手貴過剖腹一倍之外,二嚟手術時間短好多,三嚟微創的話要先食藥收細左個瘤先做,又要等1,2個月,所以為免夜長夢多,就揀左剖腹了。
因為我夜晚做手術,所以當日中午才入院,唔洗2個鐘就做完手術,成日以為做完手術麻醉未過哂應該唔痛,原來都唔係架。。。返上房時過床好痛呢。第二日就姑娘不停要我郁多D。。。但因為痛。。。堅唔想郁囉。。但姑娘話你唔郁。。。D腸唔郁。。。放唔到屁。。你就唔食得飯。。只可食流質。。。好在第二晚臨瞓前就放左屁了!
第三日開始再郁多D,拔左尿喉,可落地去廁所同散步,姑娘繼續鼓勵行多D。。。康復會好D。醫生每日巡房兩次,我堅覺得忻醫生好勤力。。有時朝早未到7點就嚟巡房, 我星期一入院,星期四中午就出院啦!
衣家都差不多過左1個月有多,基本上都無咩唔舒服,早幾日再覆多次診,醫生話傷口都埋好好,一年後先要再去見佢。

廖敬樂醫生 Dr. Liu King Lok 男 。 骨科 。 尖沙咀 。私人執業    1 0
Galvoice
共1篇醫評
求診日期: 2019-06-14
費用($): $1600
疾病/求診原因:
脊椎側彎
脊椎側彎
評論日期 : 2019-06-14

醫生詳盡講解脊柱側彎,好有耐性,非常用心,有禮貌。就算問好多問題 都耐心解答。對脊柱側彎非常有經驗,唔好強迫,因應返客人情況提供適當建議!但費用是比較昂貴的

施婉珍醫生 Dr. Sze Yuen Chun 女 。 腸胃肝臟科 。 旺角    3 0
Winwin
共1篇醫評
求診日期: 2019-06-14
費用($): $6600
費用附註:
十日藥加照胃鏡所有費用
疾病/求診原因:
胃部不適
難能可貴的好醫生
評論日期 : 2019-06-14

今天我首次做胃鏡. 我的表現是比較緊張同憂慮. 感謝這位醫生和香港專科的護士悉心照料. 檢查 順利. 兒時候醫生仍然很耐心向我解釋結果同埋跟進的治療. 雖然治療的 結果還未知道因為剛剛開始, 但我仍然要確定就是這位醫生的能力是絕對不用置疑. 這個診所的護士也很專業和耐性而且很友善.

鄭嘉欣醫生 Dr. Cheng Ka Yan 女 。 註冊中醫 。 荃灣 。私人執業    9 0
Piytedc
共1篇醫評
求診日期: 2019-04-09
費用($): $500
費用附註:
七日藥
疾病/求診原因:
BB反覆咳嗽、沒胃口
醫術了得
評論日期 : 2019-06-12

上網睇話佢醫術唔錯,帶bb去睇,因住得遠,攞一星期藥,頭3日bb胃口已漸改善,第四日咳明顯退,服7日已基本沒問題,但怕bb反覆發,因返學小朋友易交叉感染,我宜家定期帶bb調理,2周1次,bb暫時個幾月冇再咳,效果唔錯,中間1次肚痾,都係醫師治好

胡海寧醫生 Dr. WOO HAI NIN, HENNIE 女 。 婦產科 。 佐敦 。私人執業    15 2
yan10
共1篇醫評
求診日期: 2019-06-11
費用($): $1500
疾病/求診原因:
產檢
醫生好細心 姑娘態度有問題
評論日期 : 2019-06-11

醫生好好,好細心,好詳細解釋,檢查時手勢亦好好,但有個坐接待個姑娘好有問題,無啦啦叫我過去話我d香水好勁搞到佢鼻敏感,要我坐開d,我完全無噴香水囉,又話另一個客唔好放野喺梳化 要人即刻將佢掉落垃圾筒,邊有姑娘錦講野㗎,態度好有問題,簡直趕客,好彩個醫生好,如果唔係都未必再去睇

陳秀芬醫生 Dr. Chan Sau Fan, Teresa 女 。 精神科 。 中環 。私人執業    3 0
Man
共1篇醫評
求診日期: 2019-06-04
費用($): $2700
費用附註:
Consultation Fee
疾病/求診原因:
專科治療
經驗豐富、態度專業
評論日期 : 2019-06-11

我今年初經醫生轉介來睇陳醫生,陳醫生待人親切,很溫柔,也很專業。每次她也很耐心聆聽我的問題,她的回應也令我很舒服。陳醫生對藥物的解釋很詳細,服藥期間姑娘也會不時問候,體貼非常。試過因身體不適而改時間,或想盡快睇陳醫生,姑娘也會盡力安排。

盧寵猷醫生 Dr. Lo Chung Yau 男 。 外科 。 中環 。私人執業    3 2
Bellachan
共1篇醫評
求診日期: 2019-06-10
費用($): $140000
費用附註:
手術費加養和一晚
疾病/求診原因:
甲狀腺瘤
值得托付的醫生!
評論日期 : 2019-06-11

盧寵猷醫生給人印象十分具經驗專業!
我昨天剛由盧醫生操刀切除右邊甲狀腺連良性瘤
記得自己有呢個病都好怕做手術
但見完盧醫生覺得佢俾病人有安心托付的感覺!
解釋病理也非常易明到位
因為小妹也是對手術一知半解
自然更加驚要面對呢樣野
但真係見完盧醫生心情都鬆左半口氣!
我記得盧醫生對手比較長哈
對眼又圓滾滾
而且自信專業
我覺得可以遇到好醫生真係都無咁驚青。。。
非常感謝由盧醫生醫治!!

陳劍文醫生 Dr. CHAN KIM MAN 男 。 骨科 。 旺角 。私人執業    2 0
watertiffa
共1篇醫評
求診日期: 2019-06-06
費用($): $800
疾病/求診原因:
頸背痛
有医德的好医生
評論日期 : 2019-06-10

第-次看陳醫生,他十分為病人著想,叫我不需要浪費錢做無為的檢查,問症時亦细心,態度誠懇有禮,不似其他骨科醫生利益行先,十分有医德,見他對年老病人亦很好

會員電郵  
會員電郵  
下次自動登入     忘記密碼